சூரியனை ஒரு மையப் படிம மாக கொண்ட இந்த நாடகம் இரவே இல்லாத உலகைப் பற்றிப் பேசுகிறது. நாடக வெளியில் வெளியான இந்த நாடகத்தை புதுவைப் பல்கலைகழகத்தைச் சேர்ந்த நாடகத் துறை மாணவர்கள் நிகழ்த்தியுள்ளார்கள்.

தேசிய நாடக விழாவிற்கான தென்மண்டல தேர்வு பெற்ற இந்த நாடகம் மதுரை சுதேசிகள் குழுவினரால் மேடை ஏற்றப் பட்டது. சிசிஃபஸ் என்ற புராணிக கதா பாத்திரத்தின் மறு வடிவம் போன்ற ஒரு மனிதனின் தேடுதலே இந்த நாடகம். இயற்கைக்கும் மனித முயற்சிகளுக்கும் இடையில் நடைபெறும் போராட்டம் நாடகத்தின் மையக் கருத்தாக அமைந்துள்ளது.

நினைவுகளின் வழியே வாழ்வை மீள் உருவாக்கம் செய்யும் இந்த நாடகம் நாடக வெளியில் வெளியானது. மதுரைப் பல்கலைக் கழகத்தைச் சேர்ந்த மாணவர்களால் நிகழ்த்தப் பட்டது. கேரள நாடக விழாவிலும் இந்நாடகம் மலையாளத்தில் நிகழ்த்தப் பட்டுள்ளது.

மகாபாரதத்தின் களப்பலியான அரவான் கதாபாத்திரத்தை புதிய கண்ணோட்டத்தில் விவரிக்கும் இந்த நாடகம் மூன்றாம் அரங்கு நாடக குழுவினரால் நிகழ்த்தப் பட்டது. ஒரு நபர் நடிக்கும் இந் நாடகம் அதன் கவித்துவமான மொழி மற்றும் படிமங்களால் மிகுந்த கவனம் பெற்றது. கருணா பிரசாத் இதை இயக்கி நடித்திருக்கிறார். இருபதுக்கும் மேற்பட்ட முறை இந் நாடகம் மேடை ஏற்றப் பட்டுள்ளது. அரவான் நாடகப் பிரதி தமிழக அரசின் 2006 ஆம் ஆண்டின்  சிறந்த நாடக நூலாகப் பரிசு பெற்றுள்ளது.

பெண்ணிய விடுதலையை முன் வைக்கும் தனி நபர் நாடகமான நதி அறியாதது, இயற்கையின் மீதான நமது வன்முறையை கேள்விக்குள்ளாக்குகிறது. ஜெயராவ் இயக்கத்தில் இந் நாடகம் அலையன்ஸ் ஃபிரான்சில் நிகழ்த்தப் பட்டது.